المقادير:العجينة:2 كوب ونصف دقيق فورص،1/4 كوب زيت،دانون مسوس،1/2 كوب حليب سائل،ملعقة كبيرة وشوية خميرة حبوب،ملعقة كبيرة خميرة الحلوة،ملعقة صغيرة ملح،ملعقة كبيرة سنيدة.
نعجنوها مزياان الى كانت جارية نزيدوها شوية دقيق الى كانت قاصحة نزيدو شوية الحليب المهم العجين يكون رطب مزياان،نغطيوه ببلاستيكة ونخليوه يخمر ساعة
الحشوة:بصلة كبيرة مشلضة، كفتة،الفلفلة،توابل،فرماج محكوك،بيض مصلوق ومحكوك، كاشير محكوك الى متوفر مشي ضروري،
نشحرو البصلة مزياان مع الفلفلة والتوابل من بعد نضيفو الكفتة ونحركو حتى يطيبو ونخليهم يبردو من بعد نضيفو عليهم الفرماج والبيض والكاشير ونخلطو الكل.
نقسمو العجين على جوج ونسرحوهم على شكل دائري ونحطو الاولى فمول مغلف بورق الزبدة ومدهون ونحطو الحشو في الوسط والجناب كما تتبين الصور ونحطو العجين التانية ونحددو الحشوة لي فالوسط بزلافة ونقطعو الجوانب الزائدة من العجين.
من بعد نقسمو الجوانب على 16 قطعة متساوية وندورو كل قطعة باش تولي الحشوة للفوق ونستمر على هاد الطريقة حتى نكمل كل القطع، نسخن الفرن وندهنها بالبيض نرشها بالحبة السوداء او الزنجلان الي متوفر وندخلها الفران حتى طيب وتتحمر وبالصحة والراحة، عن جد هدي وصفة تستحق التجربة كتجي العجين هشيييشة ورطبة بزاااف.
إرسال تعليق