كسرة فاغسي
الوصفة العجينة درت عجينة الرخسيس العادية تاعي سميد و فرينة نخلطهم و ندير ملح و زيت حوالي كاس و ربع لكيلو و نص خليط بين سميد و فرينة نخلطهم مليح و نلمها بماء بارد نعجنها مليح باليبس حتى ترطاب لعجينة و نضيف مع الاخير مغرفة كبيرة خميرة خبز ندخلها في العجين و نقسمها كور صغيرة شوي و نحل كرة عجين رقييقة نحط الحشو هو صلصة كما تاع لمحاجب بالبصل و الفلفل الحار و الطماطم و ممكن نضيف شوي شحمة اذا نحبها و نحل عجينة اخرى و نخطي بيها و نلم الاطراف و نرجع نقرصها حتى تجي الاطراف رقيقة مش معجنة و نحطها طيب نثقبها مباشرة باه ما تتنفخش و تتحل من الاطراف ة لما طيب نقلبها للجهة الاخرى و نثقبها و لما طيب نقسمها و شهية طيبة
إرسال تعليق