الكيلة=bol de chorba
الشربات
4كيلات ماء + كيلة سكر عادي نخليه فوق الناار بعد الغليان نحسب 20 د و نطفئ و نخليه يدفئ
العجينة
3 كيلات دشيشة خاصة بقلب اللوز تكون متوسطة الحجم + 2 كيلة من السكر العادي نخلط مليح بين اليدين لمدة لا تقل عن 5 دقائق لازم نخلط مليح لان هذه المرحلة مهمة ثم + كيلة من ماء الزهر و نبدا بالرش تدريجيا و نفتل يعني نرش و نفتل حتى نكمل كامل ماء الزهر لازم نشعر ان حبات الدشيشة انتفخت و زاد حجمها مثل الكسكس بعد ذلك ندهن السنيوة بالسمن و نفرغ قلب اللوز متناثر دون الضغط في الاول بعد ذلك باستعمال ملعقة نسوي كامل الوجه من فوق و ندهن بالسمن و نخطط الحبات و نرشق فيها حبة لوز و نطيب مباشرة لايجب تاخير الطهي لان السكر يعاود يهبط نطيب في فرن ساخن 200 الى 220 درجة حتى يكتسب اللون الاحمر الجميل ثم نخرج من الفرن و نشرب مباشرة قلب اللوز و هو ساخن الشربات دافئة في الاول الطبقة من الفوق تكون يابس و لكن بعد مرور 5 دقائق يتشرب مليح و تصبح الطبقة طرية نترك قلب اللوز يتشرب مليح لمدة لاتقل عن 4 ساعات قبل تقديمه او من الاحسن ليلة كاملة
شهية طيبة بالتوفيق ان شاء الله
إرسال تعليق