طريقة الرب
السلام عليكم عصيدة وانا وحدة منهم غير نفضلها بالرب اكثر '''وبما ان في امريكا مافيش رب الا في المحلات العربية ومش هداكا الرب قررت ان انديره بروحي والحمد الله بعد تشحويوة يوم كامل تحصلت علي رب زي امتع ليبيا واليكم الطريقة لخاطرها اديره بروحها
''''''''تاخدي اي نوع تمر يكون عندك ويكون يابس مش رطب وكان مالقتيش يابس ''''خوديه ويبسيه بروحك ''''وبعدين حولي منه النوي امتعه واغسليه ''''وحطيه في طنجرة وعبيها بمياه وخليه يغلي لمدة 2 الي 3ساعات '''''ومن ثم صفي المياه بالصفاي وحطيها في جيهة '''وبعدين رجعي التمر لي صفيتي اميته '''الي الطنجرة وزيديه مياه وكرري نفس العمليه الاولي ''''تقدري اديريه العملية هدي من 2الي 3 مرات ''''انا الحق درتها مرتين لان كمية التمر مش هلبة ''''وطبعا لما تغلي المياة تكون علي نار متوسطة وتقدري مرة مرة تعلي النار 'ولما تشوفي المياة نزحت هلبة زيدي مياه باش مايحرقش التمر ويشد في الطنجرة '''''
وبعد ماخلاص كملتي المرحلتين او 3مراحل '''وصفيتي المياه بالصفاي ''''وخودي طرف شاش او اي ايشارب يكون رقيق او قماش مخرم شوية النسيج امتعه وزيدي صفي المياه لي كنتي مصفيتيه بالصفاي باش تتضمني انك كل الشوائب لي نزلت من الصفاي امعاش موجودة
'''''والمرحلة الاخيرة ولي هي اهم المراحل ''''تاخدي المياه لي خلاص صفيتيها ونقتيها من كل الشوائب وحطيها في طنجرة علي نار هادية جدا ''''ممكن 5او 10دقايق الاولي تعلي لكن مش اكثر ''''وكان ماتبيش تغامري ''''من الاول حطيها علي نار هادية وتقعد حوالي 5 ساعات ومرات اكثر علي حسب الكمية وتبدي تراقبي فيها مرة مرة لين تعقد عندك ومن خلال مراقبتك مران تلقي زي الوغوة في سطح اكشطيها بالكاشيك'''''المهم اطيب علي نار هادية باش ماينحرقش او يشيط منك '''''صح عملية طويلة عريضة وتاخذ منك يوم كامل لكن النتيجة مفرحة '''''وخاصة لو انك درتي كمية كبيرة تقعدلك اتجيك تعبة في مرة
وحده بس ''''انا جربت كمية صغيرة كاتجربة '''وان شا الله المرة الجاية حانضاعف الكمية ''''''وصحتين
إرسال تعليق